VOV4.Jarai - Ƀơi Ƀirô mă bruă, Khua mir sir ơi Nguyễn Xuân Phúc tŭ jum Khua anom bruă pơsir kơđi dêh čar Nga Igor Krasnov glăk rai čuă hăng mă bruă ƀơi Việt Nam dong mơng lơ 4 truh lơ 6/10. Amăng mông bưp, Khua mir sir ơi Nguyễn Xuân Phúc lăi rơđah Việt Nam lêng kơ lăng yôm, hơdor tơngia na nao tơlơi gum djru prong prin mơng Liên Xô đưm hlâo adih, dêh čar Nga ră anai hăng gir run pơtrut tơlơi rô nao rai ngă hrŏm djop mơta hăng dêh čar Nga kiăng ƀu pơdơi pơđĭ kyar.

Khua mir sir tŭ jum Khua anom bruă pơsir kơđi dêh čar Nga

Amăng hơdôm hrơi rai čuă tal anai, Khua anom bruă pơsir kơđi dêh čar Nga Igor Krasnov đăo gơnang, hăng pran jua ngă hrŏm hơđong, na nao, dua bơnah amra hơmâo lu tơlơi dưi amăng bruă gum hrŏm pơgăn ƀing ngă soh, pơgôp prong prin amăng bruă wai pơgang lŏn ia, pơhlôm hơđong tơlơi hơdip mơnuih ƀon sang dua bơnah hăng ƀu pơdơi pơtrut gru grua giang mah kơplah wah Việt Nam - Nga.

VOV/Siu Đoan: Pơblang