Mơguah lơ 24/11, ƀơi anih mă bruă Khua mir sir, Khua mir sir dêh čar ơi Nguyễn Xuân Phúc hmâo git gai ngă Lơphet čơkă hăng bơkơtuai hăng Khua mir sir dêh čar Uganda, ơi Yoweri Kaguta Museveni. Amăng mông bơkơtuai, dua gơñu pơtŏng sĭt tơlơi kơtưn gum hrom bơwih ƀong, pơđĭ tui prăk pơhrui glăi mơng gơnam sĭ mơdrô nao rai dua bơnah kơ tơlơi djơ̆ hrom hăng tơlơi rô nao rai bruă kơđi čar hăng hơdră pơkă mơng dua bôh dêh čar.

Dua gơñu lăi rơđah tơhnal yôm phăn mơng gum hrom bruă đang hmua, lăng anai lĕ sa amăng hơdôm phun than mơng tơlơi gum hrom dua bơnah kiăng djru pơhlôm hơđong braih piăng lŏn ia hăng đơ đam rŏng lŏn tơnah hluai tui hơdôm hơdră gum hrom dua bơnah ƀudah lu bơnah hăng tơlơi gum hrom mơng hơdôm bơnah pơđĭ kyar. Tơdơi kơ mông bơkơtuai, Khua mir sir Nguyễn Xuân Phúc hăng Khua mir sir dêh čar Uganda hmâo lăng laih mông ngă Lơphet kĭ pơkôl sa dua mơta hră pơ-ar gum hrom amăng sa dua mơta bruă./.