Ƀơi mông bơkơtuai, dua bơnah bơ ră ruai mơak, rơhmač jĕ giăm đăo kơnang, Khua mir sir Võ Văn Thưởng hăng Khua dêh čar Kishida Fumio jŭ yap glăi bruă ngă giăng mah dua bơnah amăng 50 thun rơgao hăng pơdah pran jua mơak hrŏm ƀuh tơlơi pơđĭ kyar kơtang, hlom bom, tŭ yua amăng djop bruă. Amăng hơdră ngă hrŏm phrâo hloh, dua bơnah khua mua tŭ ư pok pơhai ngă tui anăp mă bruă prong hăng hơdôm bruă ngă kjăp tui tơlơi giăng mah pŭ ƀăn, ăt pok pơhai tŭ yua tơlơi phiăn pơkă kơ bruă ngă hrŏm gah bruă ling tơhan kơnang kơ atur bruă lăng nao pơ anăp gum hrŏm pơhlôm pơgang tơlơi rơnuk rơnua Việt Nam-Japan.

Kơ bruă bơwih ƀong huă, dua bơnah khua mua ăt tŭ ư hrŏm pơtrut bơwih ƀong huă lir hơbit dua boh dêh čar, hơdai gum hrŏm pơgang tơlơi bơwih ƀong huă pok pơhư prong amăng bruă phrâo pơčeh phrâo, pơblih jao boh thâo ia rơgơi, pơblih yua mrô, pơblih yua gơnam mă bruă mơtah, hơđong.