Mông bưp pơphun kiăng anăp nao tal hơdor glăi 20 thun akŏ pơjing ƀôn prong Cần Thơ (1/1/2004-1/12024). Ƀing mơnuih ba gru hơmâo pơpŭ tal anai lĕ ƀing mơnuih rơgơi hloh hơmâo ruah mơng hơdôm anih anom ƀon lan amăng ƀôn prong, pơ ala brơi djop gơnong bruă, anom bruă hăng ƀon lan mơnuih mơnam; hơmâo tơlơi gum pơgôp amăng pơđĭ kyar bơwih ƀong huă-mơnuih mơnam amăng ƀôn prong Cần Thơ amăng djop rơnuk.

Khua mir sir Võ Văn Thưởng pơtă, amăng hrơi blan pơđĭ kyar, Cần Thơ kiăng lăng mơnuih ƀon sang lĕ akŏ phun. Ping gah, gong gai djop gưl kiăng pơlir hơbit, pơsir hĭ tơnap tap, gun găn, tơlơi ngă bơngŏt amăng mơnuih ƀon sang. Yua “hơnong pơkă pơđĭ kyar lĕ kiăng ba glăi tơlơi mơ-ak klă brơi mơnuih ƀon sang”. Hrŏm hăng anun pơtrut ƀiă dong tal pơplông khăp kơ lŏn ia, kiăng mơng anun hơmâo lu dong ƀing mơnuih ba gru mut hrŏm jai hrơi lu tui, pơgôp lu ƀiă dong hăng yôm phăn amăng pơđĭ kyar ƀôn prong pơ anăp anai.