Ding kơna Ding jum kơđi čar, Khua mir sir Võ Văn Thưởng, Khua anom bruă git gai 35 Ping gah pơhmư̆, git gai mông Jơnum. Pơhiăp git gai mông Jơnum, Khua mir sir Võ Văn Thưởng kiăng djŏp gưl ping gah lăi pơthâo rơđah rơđông, thâo pơmin dlăm hloh bruă pơgang ba tơlơi pơmin djơ̆ lăp tơpă sit mơ̆ng Ping gah, hơngah glăi hơdôm tơlơi pơmin soh glăi, hil neč, biă ñu amăng rơnuk anai; pơsit rơđah tơlơi grong bruă mơ̆ng pô ngă khua, laih anun rim čô khua, mơnuih ping gah amăng mông ngă bruă. Hrŏm hăng anun, pơtrut tui hloh tơlơi gơgrong bruă mơ̆ng hơdôm anom bruă kơnuk kơna amăng bruă pơgang ba tơlơi pơmin phun mơ̆ng Ping gah; pơđĭ tui tŭ yua bruă pôr pơhing, pơtô pơblang, bang hyu tơlơi pơhing hiam, khut khăt, gir pơkơdong, hơngah hĭ hơdôm tơlơi pơmin soh sat, hil neč nao rai.