Tơdơi kơ mông čơkă yôm phăn Khua mir sir Đức, tlam tom brơi (23/1), ƀơi Ƀirô mă bruă, Khua mir sir Võ Văn Thưởng jơnum bơkơtuai hăng Khua mir sir Đức. Amăng mông jơnum, dua čô khua hơmâo pơlăi nao rai jơlan gah, hơdră bruă prong kiăng ngă dơlăm tui tơlơi rô nao rai ngă hrŏm kơplah wah Việt Nam-Đức, kah hăng pơčrông sai hơdôm bruă amăng kual hăng jar kmar dua bơnah đing nao.

Dua bơnah tŭ ư kơtưn ngă hrŏm amăng hơdôm bruă anun lĕ ling tơhan-pơgang rơnuk rơnua, boh thâo ia rơgơi-măi mok, phiah phiăn, ngă hmua; pơtrut hơdôm bruă pơbưp nao rai gru grua, mơng anun pơgôp ngă thâo hluh tơdruă hăng giang mah mơnuih ƀôn sang dua bơnah, prap pioh hơdor glăi 50 thun akŏ pơjing bruă pơtom hiăp Việt Nam-Đức amăng thun 2025.