Phạm Văn Tịch thun tơkeng 1952 ƀơi Quảng Nam, amăng sang anŏ khăp lŏn ia. Mơng anet, ñu hơmâo črâo ba hăng mut hrŏm hơdôm bruă djru brơi ƀô̆ đô̆i. Thun 1967, amăng tal kơsung blah, ñu rơka kơtang khŏm trơ̆i hĭ dua ƀĕ tơkai, tơdơi anun bưng băi hơmâo ƀing ơi ia jrao ba nao pơ dêh čar Mi pơjrao. Jing sa čô mơnuih gir run, ñu kiăo tui hrăm hăng mă ƀăng laih anun jing mơnuih rơgơi kơhnâo gah boh thâo măi komputơr ƀơi sang hră gưl prong Berkeley, California.

Khua mir sir čang rơmang djop rơnuk djop hơdip pơ tač rơngiao tŏ tui pran khăp kơ lŏn ia, hơmâo tơlơi pơhing kiăng neh met wa ƀơi dêh čar Mi, hluh rơđah ƀiă dong tơlơi sit nik amăng lŏn ia hăng hơdră gum pơgôp djop djuai ania mơng Ping gah hăng Kơnuk kơna. Khua mir sir čang rơmang mơnuih ƀon sang Việt Nam ƀơi Mi tŏ tui gum pơgôp, ngă tui tơlơi phiăn hăng tŏ tui gum pơgôp amăng bruă pơđĭ kyar dêh čar Mi, tơlơi rô nao rai dua bơnah, kah hăng bruă wai pơgang, pơjing hăng pơđĭ kyar plơi pla, lŏn ia Việt Nam.