Khua mir sir Võ Văn Thưởng nao Jơnum hlăk ai đơ đam dêh čar Khul čơđai sang hră gưl prong Việt Nam tal XI rơwang thun 2023-2028
Thứ tư, 10:11, 20/12/2023
VOV/Siu Đoan Pơblang
VOV/Siu Đoan Pơblang
VOV4.Jarai - Mơguah tom brơi (19/12), ƀơi Hà Nội, Khua mir sir Võ Văn Thưởng nao jơnum hăng đĭ pơhiăp amăng mông jơnum hlăk ai đơ đam dêh čar Khul čơđai sang hră gưl prong Việt Nam tal XI rơwang thun 2023-2028, anai lĕ hrơi jơnum pơƀut prong mơng čơđai sang hră gưl prong Việt Nam amăng lŏn ia hăng tač rơngiao, pơdah tơlơi čang rơmang, pran hrưn đĭ kơtang mơng čơđai sang hră Việt Nam amăng rơnuk pơjing hăng wai pơgang lŏn ia.
Khua mir sir lăng yôm Khul čơđai sang hră gưl prong Việt Nam amăng rơwang mă bruă laih rơgao hơmâo lu tơlơi yak nao prong, pơphun lu tal pơplông pơčeh phrâo, sit nik, tum pơƀut, mut hrŏm hơmâo čơđai sang hră gưl prong đơ đam dêh čar hăng čơđai hră Việt Nam pơ tač rơngiao mut hrŏm pơjing hăng wai pơgang lŏn ia.
Khua mir sir čang rơmang, hăng pran hơdeč hmar amăng mơnuih mơnam hăng tơlơi thâo thăi, hăng pran kơtang hăng hrưn đĭ prong prin, čơđai sang hră gưl prong Việt Nam kiăng pơsit tong pran gơgrong hăng lŏn ia; hrŏm hăng djuai ania ta ngă tui jơlan gah truh thun 2045, jing dêh čar pơđĭ kyar, pơhrui glăi lu hloh.
Viết bình luận