Amăng 25 thun rơgao, mut hrŏm APEC, Việt Nam hơmâo djru hrŏm hur har biă mă amăng mông jơnum prong APEC, rơkâo đĭ lu tơlơi pơčeh phrâo, kơčăo bruă ngă hrŏm dưi lăng ding kơna hing ang mơ̆n, djru pơtrut hrŏm pơgang rơnuk rơnua, hơđong, ngă hrŏm, pơlir hơbit amăng kual, djă bong tơlơi gơgrong ba mơ̆ng APEC jing anŏ pơlir hơbit bơwih ƀong huă ba akŏ amăng kual ASIA-Thái Bình Dương.

Hăng tơlơi yôm phara djơh hăng anun tal jơnum anai, ƀing khua mua djop dêh čar bơwih ƀong amăng khul APEC thun anai hăng lơ̆m tơlơi ngă giăng mah Việt Nam-Mi hơmâo pơđĭ kyar kơtang thun blan rơgao, tal nao mă bruă, jơnum hrŏm khua mua APEC thun anai hăng bruă mă ƀơi dêh čar Mi mơ̆ng khua mir sir Võ Văn Thưởng yôm pơphăn biă mă, wơ̆t amăng bruă ngă tui lu bơnah hăng dua bơnah, djru pơtrut bruă ngă pơkjăp tui pơtom hiăp rơnuk rơnua, hơđong, gêh găl brơi bruă pơđĭ kyar lŏn ia.