Amăng mông ngă lơphet, pơ ala brơi khua mua Ping gah, Kơnuk kơna, Khua mir sir Võ Văn Thưởng jao miđai mă bruă mrô I brơi Ping gah, gong gai, mơnuih ƀôn sang tơring čar Hậu Giang. Đĭ pơhiăp amăng mông ngă lơphet, Khua mir sir lăi pơtong, Hậu Giang hơmâo gơgrong phun amăng kual yŭ ia krông Hậu; anai lĕ anih ngă hơkrŭ amăng dua tal blah ayăt. Amăng hơdôm thun laih rơgao, mơnuih ƀôn sang Hậu Giang hơmâo pơtrut pran gum pơgôp, khin hơtai, khut khăt, sông kơtang.  

Kiăng ngă tui hơnong pơkă Hậu Giang jing tơring čar pơđĭ kyar amăng kual hăng đơ đam dêh čar, hrŏm hăng anun ngă tui klă tơlơi črâo trun mơng gơnong glông hăng tơlơi pơtrun mơng Ping gah tơring čar tal XIV, Khua mir sir rơkâo Ping gah hăng mơnuih ƀôn sang Hậu Giang kiăng lăi nao tơlơi dưi prong, tơlơi tơnap, lông lăng mơng tơring čar hăng hơdôm tơlơi pơhrăm glăi yôm phăn amăng 20 thun rơgao.