Khua mir sir Võ Văn Thưởng hăng Bơnai ñu nao pơhmư̆ Jơlan hơdră. Pơhiăp ƀơi mông jơnum, pơ ala kơ khua mua Ping gah, Kơnuk kơna, Jơnum min djŏp djuai ania mơnuih mơnam Việt Nam, Khua mir sir mơ-it kơ mơnuih ƀôn sang Việt Nam glăk dŏ hơdip, mă bruă, hrăm hră pơ dêh čar tač rơngiao tơlơi tơña bla, tơlơi khăp ƀu-eng hăng tơlơi bơni hơ-ơč kơ thun phrâo klă hiam hloh.

Khua mir sir pơsit, Ping gah, Kơnuk kơna lêng kơ čang rơmang mơnuih ƀôn sang ta pơ dêh čar tač rơngiao pơtrut tui tơlơi hơmâo, tơlơi gêh gal, tơlơi pơčeh phrâo, dưi ngă lu bruă truh kih, hơđong tơlơi hơdip mơda, jai hrơi hơmâo tơlơi dưi, bơwih ƀong đĭ, kjăp bruă kơđi čar hloh, mut hrŏm dlăm hăng mơnuih ƀôn sang pơ anih ƀing gơñu glăk dŏ. Khua mir sir čang rơmang hrơi blan pơ anăp, mơnuih ƀôn sang amra glăi čuă lŏn ia ta lu hloh đah mơ̆ng ƀuh tơlơi pơplih phrâo mơ̆ng lŏn ia, hơdôm tơlơi dưi ngă truh kih amăng bruă pơplih phrâo, gum hrŏm akŏ pơdong hăng pơgang Lŏn ia Việt Nam khăp ƀu-eng.