Khua mir sir Võ Văn Thưởng pioh lu mông hyu pơpŭ bơni thun phrâo hiam klă hloh kơ mơnuih ƀôn sang tơring čar Đồng Tháp, mơnuih ƀôn sang tơring glông guai dêh čar Hồng Ngự, Tân Hồng hăng plơi prong Hồng Ngự; tơhan pơlih blah ngă hăng anom bruă mă jia guai dêh čar hăng jar kmar Thường Phước. Ƀrô djơ̆ tal anai, Khua mir sir hăng khua mua djop anom bruă hơmâo nao jao sang gum pơgôp, ƀơk gơnam kơ hơdôm sang anŏ tơnap tap, čơđai muai ƀun rin, ƀing ngă kông ñơn sang anŏ tơnap tap laih anun ƀơk gơnam têt kơ sang bruă kơnuk kơna.

Khua mir sir Võ Văn Thưởng čang rơmang Ping gah, gong gai kơnuk kơna hăng mơnuih ƀôn sang tơring čar Đồng Tháp gum pơgôp tong ten, ba tơring čar anai pơđĭ kyar hloh, đing nao kơ bruă pơtô hrăm, djru ba bruă ia jrao hăng tơlơi hơdip mơda mơnuih ƀôn sang; Tơhan pơgang guai dêh čar, kông an tơring čar khom thâo tong ten amăng bruă mă, hmao kru lăi pơthâo hăng khua mua tơring čar, anăm lui hơmâo tơlơi dŏ kơtuă sit rung răng thơ.