Đĭ pơhiăp amăng mông bưp, Khua mir sir brơi thâo: amăng hơdôm thun laih rơgao, Việt Nam lêng kơ gir run, gum pơgôp hăng pran ngă giang mah hăng djru tơdruă, hrŏm hăng hơdôm khul grup, ƀing gŏp, gơyut gơyâo hơmâo bruă mă kiăng ngă tơdu ƀiă tơlơi glêh tơnap kơ ană mơnuih, djru brơi hăng wai pơgang ƀing mơnuih amuñ bơdjơ̆ nao hloh. Ngă tui, lar hyu djop anih gru grua djru tơdruă mơng djuai ania, Ping gah, kơnuk kơna Việt Nam lêng kơ đing nao hơdôm bruă djru ană mơnuih amăng lŏn ia hăng jar kmar.

Khua mir sir čang rơmang, pơ anăp anai, Khul ia jrao kyâo bơrơkal mriah hăng blan ƀang jar kmar, Jơnum ia jrao kyâo bơrơkal mriah jar kmar hăng ƀing gŏp amăng bruă djru khăp pap tŏ tui hơmâo tơlơi đing nao dêh čar Việt Nam, djru brơi lu ƀiă dong, ba tơlơi rô nao rai ngă hrŏm mơng Khul ia jrao kyâo bơrơkal mriah Việt Nam jai mă bruă dơlăm tui, akŏ pơjing hơdră ngă hrŏm hơđong kjăp kiăng Việt Nam dưi pơgôp lu ƀiă dong amăng bruă djru khăp pap amăng rŏng lŏn tơnah.