Pơhiăp ƀơi mông tŭ jum, Khua mir sir Võ Văn Thưởng hok mơak čơkă Khua anom pơtô bruă ping gah dêh čar Khač, Lý Thư Lỗi ba jơlan hlâo khul khua mua ping gah dêh Khač čar rai čuă Việt Nam laih anun git gai hrŏm khul  nai rơgơi pơtô djơ̆ dêh čar tal 18 plah wah dua bơnah ping gah. Khua anom pơtô bruă ping gah dêh čar Khač, Lý Thư Lỗi lăng yôm tơlơi pơgôp hiăp mơ̆ng Khua mir sir Võ Văn Thưởng kơ bruă pơtrut ngă giăng mah pŭ ƀăn dua bơnah ping gah, lŏn ia ăt kah hăng lăi pơthâo kơ bruă pơđĭ tui boh tŭ yua ngă hrŏm dua bơnah anom pơtô bruă ping gah dêh čar Khač hăng Việt Nam.

Dua bơnah anom bruă kơtưn hloh ngă hrŏm, pơblih nao rai tơlơi thâo thăi tom găn rơgao amăng bruă mă gah pơtô kjăp tơlơi pơmin, gru grua ia rơgơi, kơtưn pơtô pơblang djơ̆ lăp kơ bruă ngă pŭ ƀăn hăng hơdôm boh tơhnal dưi ngă hiam klă kơ bruă ngă giăng mah dua bơnah dêh čar, pơgôp hrŏm pơtrut rô nao rai hiam klă gru grua plah wah Việt Nam hăng Khač.