Ƀơi mông tŭ jum, Khua mir sir Võ Văn Thưởng lăi, dêh čar Việt Nam lăng yôm tơlơi rô nao rai ngă gŏp, Ngă hrŏm yôm amăng abih bang bruă kơplah wah Việt Nam hăng Nga, đăo kơnang tal rai čuă mơ̆ng Khua tơring čar djru pơtrut tui tơlơi ngă hrŏm dua boh dêh čar jai hrơi kơjăp, tŭ yua hloh.

Khua mir sir Võ Văn Thưởng tŭ ư tơlơi Khua tơring čar Kaluga kơ tơlơi gêh gal ngă hrŏm dua bơnah dŏ prong đôč, biă ñu amăng bruă sĭ mơdrô hăng tuh pơ alin. Hăng tơlơi rô nao rai giăng mah kơplah wah tơring čar Kaluga hăng Bình Thuận, Khua mir sir kiăng dua boh tơring hơmâo lu hơdră pơtrut tui dong tơlơi ngă hrŏm bruă tuai hyu ngui, biă ñu lơ̆m Bình Thuận hơmâo anih anom, hang ia rơsĭ hiam laih anun hơmâo lu anih čuă ngui čih pơthâo tơlơi Nga.