Khua mir sir Võ Văn Thưởng bơni biă kơ bruă jơnum truh kih kơplah wah dua čô Khua ding jum ling tơhan; laih dong pơsit, Ping gah, Kơnuk kơna Việt Nam lêng kơ pơtrut pơsur, dong yua, djru ngă gal brơi bruă ngă hrŏm dua ling tơhan, dua ding jum ling tơhan Việt Nam - Kur jai hrơi sit nik, tŭ yua.

Amăng hrơi blan bruă amăng kual hăng ƀơi rŏng lŏn tơnah hơmâo lu tơlơi phara, ƀu thâo hlâo, Khua mir sir Võ Văn Thưởng čang rơmang dua Ding jum ling tơhan pơtrut ngă hrŏm pôr pơhing bruă tơhan, lăi pơthâo bruă hơmâo amăng kual, ƀơi jar kmar kiăng bruă ngă hrŏm jai hrơi kơjăp hloh. Dua bơnah kiăng ngă hrŏm kơjăp, ngă tui djŏp tơlơi ngă hrŏm glăk hơmâo, lăng yôm bruă pơtô hrăm brơi tơhan sĭ kuan, biă ñu lĕ tơhan sĭ kuan thun hlăk ai.