Khua mir sir pơsit tong, lăng Việt Nam hlâo tơdơi ăt tui anun, lăng yôm tơlơi rô nao rai giang mah gru grua hiam klă hăng dêh čar Kur; hok mơ-ak lơm tơlơi rô nao rai dua bơnah jai hrơi pơđĭ kyar sit nik hăng dơlăm tui. Khua mir sir Võ Văn Thưởng lăi pơtong, Việt Nam lêng kơ hơdor tơngia tơlơi gum djru mơng mơnuih ƀôn sang Kur amăng rơnuk blah wang wai pơgang lŏn ia đưm hlâo adih kah hăng amăng bruă pơjing hăng pơđĭ kyar lŏn ia ră anai.

Hrŏm hăng tơlơi jê̆ giăm lŏn ia, gru grua mơnuih ƀôn sang dua bơnah lêng kơ gum hrŏm kơdong glăi ayăt, găn rơgao tơnap tap hăng ră anai gum hrŏm pơđĭ kyar lŏn ia. Khua mir sir pơdah tơlơi hok mơ-ak lơm ƀuh khua mua mơng dêh čar Kur lêng kơ pơdah pran khăp hăng Việt Nam, čang rơmang tŏ tui khua mua hlâo anun, ngă dơlăm tui tơlơi rô nao rai giang mah gru grua Việt Nam-Kur.