Khua mir sir Võ Văn Thưởng lăi lĕ, tal rai čuă jơmư, mă bruă anai yôm pơphăn biă mă hăng dua bơnah ping gah, kơnuk kơna lŏn ia. Khua mir sir lăi lĕ, tal rai čuă jơmư, mă bruă hăng akŏ bruă : Pơđĭ kyar gru grua hiam, ană mơnuih lơ̆m pơđĭ kyar lŏn ia tui jơlan hơdră xã hội chủ nghĩa ană mơnuih mơnam bơkơnar ngă khua pô-Tơlơi tom găn rơgao thâo thăi mơ̆ng Việt Nam, tơlơi tom găn rơgao thâo thăi mơ̆ng dêh čar Lao....amra tŭ yua hiam klă, djru hrŏm dơlăm hloh kơ bruă ngă giăng mah, rô nao rai dua bơnah ping gah, kơnuk kơna.

Khua mir sir lăi pơtong, amăng bruă pơđĭ kyar Việt Nam lu thun rơgao đing nao lu, kah pơpha, djru hrŏm pơtrut ping gah, kơnuk kơna hăng mơnuih ƀôn sang Lao adơi ayong. Lơ̆m bruă ngă git gai, pơčrâo ba mơ̆ng pô, dua bơnah ping gah hơmâo kah pơpha hơdôm tơlơi thâo thăi hăng boh tŭ tơhnal tŭ yua. Ngă hrŏm plah wah khul mơnuih rơgơi bruă pơtô djơ̆ mơ̆ng dua bơnah jai hrơi ba glăi boh tŭ yua hiam.