Pơhiăp amăng mông jơnum, Kơ-iăng Khua anom pơtô bruă ping gah dêh čar, ơi Phan Xuân Thủy rơkâo ping gah tơring čar Cà Mau ăt git gai pơčrâo ba ngă tui Hră pơčrâo trun mrô 01 mơ̆ng Ding jum kơđi čar; Pok pơhai tŭ yua hơdră ngă, bruă pơčrâo ba tui hăng Hră pơtrun jơnum ruah khua ping gah dêh čar ta tal XIII laih anun hră pơtrun mơng ping gah tơring čar Cà Mau tal XVI, boh nik ñu boh tơhnal dưi ngă laih pơblih kơtang;

Ăt pok pơhai bruă mă tŭ yua Hră pơsit mơ̆ng Khul git gai ping gah dêh čar čih pơkra “Tơlơi phiăn ngă hrŏm plah wah anom pơtô bruă ping gah djop gưl hăng sang bruă gong gai kơnuk kơna gưl bơkơnar amăng bruă ngă tui tơlơi phiăn dêh čar, pok pơhai akŏ bruă pơđĭ kyar bơwih ƀong huă mơnuih mơnam, pơsir hơdôm tơlơi hlăk hơmâo, mơnuih ƀôn sang đing nao lu”.