VOV4.Jarai-Ăt amăng hơdră jơnum lok 6, khua mua apăn bruă ping gah dêh čar tal XIII, mơguah lơ 6/10, Khua mua apăn bruă ping gah dêh čar jơnum ƀơi sang jơnum prong, pơčrông sai Kơčăo bruă pơtrut tuh pơ alin phrâo, pơblih pơđĭ tui lŏn ia ba yua măi mok phrâo truh thun 2030, lăng nao pơ thun 2045.

Amăng mông jơnum abih bang khua mua apăn bruă ping gah lok 6

Ơi Vương Đình Huệ, ding kơna ding jum kơđi čar, Khua git gai pơ ala mơnuih ƀôn sang dêh čar pơ ala kơ Ding jum kơđi čar git gai jơnum pơčrông sai. Či tlam, mă bruă amăng grup, pơčrông sai tơlơi pơhing bơwih ƀong huă mơnuih mơnam dêh čar, bruă mă yua prăk kơnuk kơna thun 2022, jŭ yap hlâo akŏ bruă pơđĭ kyar bơwih ƀong huă mơnuih mơnam dêh čar, bruă mă yua prăk kơnuk kơna thun 2023 hăng akŏ bruă prăk kăk  kơnuk kơna 3 thun pơ anăp 2023-2025.

VOV-Nay Jek: Pơblang