Guang bơnga mơ̆ng Grup hơmâo čih glông boh hră "Hơdor bơni na nao kơ Khua mir sir Hồ Chí Minh hing ang". Hăng pran jua hơdor bơni đut tơhnal, Grup hơmâo pioh mơnit h’ŭ pran jua hơdor na nao kơ Khua mir sir Hồ Chí Minh, sa čô khua git gai rơgơi kơhnâo, mơnuih khin hơtai pơklaih rơngai djuai ania; ñu hơmâo pơyơr abih tơlơi hơdip pô kơ mơnuih ƀôn sang, kơ lŏn ia, pơčrâo ba ping gah, mơnuih ƀôn sang ta dưi ngă tŭ yua lu bruă mă hmư̆ hing prong, ngă blang ƀô̆ mơta bơngač kơ djuai ania, dêh čar ta.

Giong anun, grup khua mua apăn bruă ping gah, khua mir sir, khua pơ ala mơnuih ƀôn sang dêh čar, kơnuk kơna,jơnum min djop djuai ania mơnuih mơnam dưm guang bơnga čuh ñang h’ŭ kơ ƀing tơhan khin hơtai djai pơsăn drơi jăn yua kơ lŏn ia ƀơi gong drai hơdor kơ ƀing tơhan djai pơsăn drơi či jơlan Bắc Sơn.