Yang hrơi mơguah, ƀing khua bơkơtuai ƀơi sang jơnum kơ hơdôm tơlơi dŏ hơmâo lu tơlơi pơmin phara mơ̆ng Tơlơi phiăn tơhan pơgang rơnuk rơnua, hơđong kơjăp amăng plơi pla. Čơtlam, khua mua bơkơtuai ƀơi grup kơ 2 mơta bruă: Pơplih hơdôm tơlơi mơ̆ng Tơlơi pơtrun 53 mơ̆ng Ƀirô khua pơ ala mơnuih ƀon sang dêh čar kơ Hră lăi pơthâo kơsem min boh tŭ yua Kơčăo bruă mă glăi lŏn, duh prăk, djru ba, akŏ pơdong plơi phrâo ƀơi Tơdron rơdêh por jar kmar Long Thành; Tơlơi pơtrun ngă lăng hlâo hơdôm tơlơi pơtrun tơlơi djru phara kơ bruă tuh pơ alin man pơkra jơlan nao rai. Tơlơi phiăn Tơhan gum pơgang rơnuk rơnua, hơđong kơjăp plơi pla hơmâo pơdah pơ Ƀirô khua pơ ala mơnuih ƀôn sang pơgôp hiăp ƀơi mông jơnum lok 5, hăng lu mơnuih tŭ ư kiăng pơtrun tơlơi phiăn anai. Tơlơi phiăn hơmâo anom bruă čih pơkra glăi hăng ngă pơgiong hăng lu tơlơi lăp djơ̆ hăng tơlơi kiăng ră anai.