Amăng mông bưp ƀơi hơdôm boh să Dak Ru (tơring glông Dak R’lấp), să Dak R’tih (tơring glông Tuy Đức), să Dak Ha (tơring glông Dak Glong) hăng să Dak Drô (tơring glông Krông Nô), ƀing Khua pơ ala mơnuih ƀôn sang hơmaoa lăi pơthâo brơi mơnuih ƀon lan Dak Nông kơ boh tơhnal him lăng amăng jơnum lok 6, Khua pơ ala mơnuih ƀôn sang dêh čar tal XV; đing tơngia hmư̆ tơlơi pơgôp, rơkâo đĭ mơng mơnuih ƀon sang hlâo kơ hrơi pơphun jơnum.

Mơnuih ƀon sang ƀơi Dak Nông hơmâo lăi pơthâo lu bruă aka ƀu klă, lu hloh amăng bruă man pơkra jơlan glông, mă yua lŏn mơnai, bruă ngă hră pơ-ar brơi mă yua lŏn mơnai. Mơnuih ƀon sang rơkâo kơnuk kơna đing nao tuh pơ alin man pơkra jơlan glông amăng ƀon lan, ĕp brơi bruă mă kơ mơnuih djuai ania ƀiă, kiăo tui lăng rơkâo duh prăk ča čot amăng akŏ thun hrăm phrâo…Lu mơnuih pơdah tơlơi čang rơmang hăng tŭ ư hrŏm ngă gêh gal kiăng tañ pok pơhai man pơkra jơlan rơdêh đuăi hmar Chơn Thành (Bình Phước) -Gia Nghĩa (Dak Nông) pơgôp pơtrut pơđĭ kyar bơwih ƀong huă mơnuih mơnam.