Tui anun, pơplih glăi hrơi mông Khua mua pơhmư̆ tơlơi lăi pơthâo, bruă hyu pel ĕp, pơphun bơkơtuai hăng pơsit hlâo lơ 18/5 hăng 2 tơlơi pơtrun kơ hơdôm tơlơi pơkôl pơkă, hơdră phara hơjăn, ngă tơlơi pơplih prong kơ bruă čih pơkra hăng mă yua tơlơi phiăn, djơ̆ hăng tơlơi kiăng đĭ kyar mơ̆ng lŏn ia amăng rơnuk pơplih phrâo; laih dong Tơlơi pơtrun kơ hơdôm tơlơi pơkôl pơkă, hơdră djru phara hơjăn pơđĭ kyar bơwih ƀong huă mơnuih ƀôn sang ngă mă hơjăn. Laih dong, ƀơi mông jơnum anai amra pơhrua tui 3 mơta tơlơi mơ̆ng Kơnuk kơna pơdah pơ Khua mua pơ ala mơnuih ƀôn sang sem lăng, pơsit brơi.

Khua mua pơ ala mơnuih ƀôn sang ăt pơplih mơn hrơi mông jơnum bruă pơkŏn dong kiăng lăp djơ̆. Tui anun, him lăng amra pơđut mông jơnum amăng tlam lơ 27/6, pơhlôm lui hlâo 2 hrơi anun lĕ lơ 28 hăng 30/6.