Khua mua tơring čar Dak Lak mơ-it nao tơlơi pơpŭ hiam klă hloh tơl ƀing kŏm drơi jăn tui đăo, ƀing khua khul đăo kah hăng abih bang mơnuih ƀôn sang tui đăo amăng tơring čar čơkă bơyan No-el rơnuk rơnua, yâo mơ-ak. Laih dong čang rơmang ƀing kŏm drơi jăn tui đăo, ƀing khua khul đăo tŏ tui pơtrut pơsur neh met wa ngă tui klă hơdôm tơlơi črâo trun mơng Ping gah, hơdră bruă, tơlơi phiăn mơng Kơnuk kơna, mut hrŏm hăng hơdôm lu dong tơlơi gum pơgôp pơđĭ kyar bơwih ƀong huă, mơnuih mơnam amăng tơring čar.

Pơ ala brơi hơdôm tơring đăo ăt hơmâo tơlơi pơpŭ bơni khua mua tơring čar hăng djop gơnong bruă, anom bruă hơmâo đing nao, ngă gêh gal brơi mơnuih ƀôn sang tui đăo. Pơ anăp anai, mơnuih tui khŏp amra tŏ ngă tui klă hơdôm tơlơi črâo trun, hơdră bruă, tơlơi phiăn mơng Kơnuk kơna, ngă tui gru grua hiam klă hơdip hiam tui tơlơi đăo, gum hrŏm pơjing pran gum pơgôp djop djuai ania, hrŏm hăng tơring čar pơjing hăng pơđĭ kyar tơring čar jai hrơi pơdrong asah, hiam klă.