Ƀrô tal dêh čar pơtao Kur akŏ pơjing khul Khua pơ ala mơnuih ƀôn sang dêh čar tal 7 hăng Kơnuk kơna rơwang tal 7 (2023-2028), Khua dêh čar ơi Phạm Minh Chính hơmâo mơ-it hră pơpŭ Khua dêh čar ơi Hun Manet; Khua pơ ala mơnuih ƀôn sang dêh čar ơi Vương Đình Huệ hơmâo mơ-it tơlơi pơpŭ Khua pơ ala mơnuih ƀôn sang dêh čar Khuon Sodary.

Amăng hră pơpŭ, Khua mua Việt Nam ăt pơdah tơlơi đăo gơnang tui tơlơi git gai mơng Khua dêh čar hăng Khua pơ ala mơnuih ƀôn sang dêh čar phrâo, dêh čar Kur amra tŏ tui hơmâo tơlơi dưi prong prin amăng pơjing lŏn ia rơnuk rơnua, hơđong hăng pơdrong asah, hơmâo tơlơi gơgrong hăng kơdrưh ang amăng kual hăng rŏng lŏn tơnah. Khua mua Việt Nam ăt đăo gơnang pơ anăp anai tơlơi rô nao rai dua bơnah amra jai hiam klă, giang mah, ngă hrŏm djop mơta, hơđong kjăp sui pơ anăp dong kơplah wah Việt Nam hăng Kur hăng amra jai hrơi hơkrŭ hăng pơđĭ kyar, yua tơlơi dưi mơng mơnuih ƀôn sang dua bơnah, pơgôp yôm phăn brơi kơ kual ASEAN, yua tơlơi rơnuk rơnua, hơđong hăng pơđĭ kyar amăng kual hăng jar kmar.