Khua phun akha pơ ala kơ dêh čar Mi pơkôl gum hrŏm hăng Dak Lak
Thứ tư, 09:41, 06/12/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Mơguah tom brơi (5/12), Grŭp hyu mă bruă mơ̆ng Khua phun akha pơ ala kơ dêh čar Mi ƀơi ƀôn prong Hồ Chí Minh mă bruă hăng Khua Jơnum min mơnuih ƀôn sang tơring čar Dak Lak pioh ĕp lăng hơdôm bruă mơ̆ 2 bơnah amra gum hrŏm pơ̆ anăp anai.
Amăng mông mă bruă, khua tơring čar Dak Lak hăng Khua phun akha pơ ala kơ dêh čar Mi ƀơi ƀôn prong Hồ Chí Minh pơdah pran jua mơ-ak kơ hơdôm yak pơđĭ kyar klă hiam amăng tơlơi rô nao rai dua bơnah kơplah wah Việt Nam hăng Mi tơdơi kơ 28 thun pơjing bruă pơtom hiăp, biă ñu lơm 2 bôh dêh čar pơđĭ tui bruă gum hrŏm abih bang yua kơ Tơlơi rơnuk rơnua, Gum hrŏm hăng Pơđĭ kyar kơjăp sui thun.
Tơring čar čang rơmang hmâo mă tơlơi lăng ba, gum djru mơ̆ng Khua phun akha pơ ala kơ dêh čar Mi ƀơi ƀôn prong Hồ Chí Minh amăng bruă lăi pơthâo hơdôm bôh anom bơwih ƀong hăng mơnuih tuh pơplai pioh ĕp lăng tơhnal gum hrŏm tuh pơplai pơđĭ kyar bơwih ƀong ƀơi tơring čar Dak Lak./.
Viết bình luận