Ƀơi mông jơnum, ơi Lữ Ngọc Bình, Khua anom pơphun bruă ping gah tơring čar Quảng Ngãi lăi pơthâo hră pơsit mơ̆ng Khul khua apăn bruă git gai ping gah dêh čar, kơ bruă ruah ơi Đặng Quang Hà, Khua git gai ping gah, Khua khul pơ ala mơnuih ƀôn sang să Măng Đen; ơi Nguyễn Văn Trọng, Khua Gơnong bruă prăk kăk tơring čar, mut ngă ding kơna apăn bruă ping gah tơring čar Quảng Ngãi, rơwang bruă thun 2025-2030.

Khul apăn bruă git gai ping gah dêh čar ngă hră pơtrun brơi Đại tá Mai Kim Bình, ding kơna kơđi čar ping gah sang bruă khua tơhan tơring čar mut ngă ding kơna apăn bruă ping gah tơring čar Quảng Ngãi rơwang bruă thun 2025-2030. Ơi Hồ Văn Niên, Khua git gai ping gah tơring čar Quảng Ngãi đăo kơnang, hăng bruă ngă phrâo, ƀing khua mua anai amra pơđĭ tui pran jua mă bruă glăm ba, thâo gum pơgôp, pơblih phrâo, pơčeh thâo bruă mă, hrŏm hăng khul apăn bruă  ding kơna ping gah tơring čar ngă tui tŭ yua hơdôm bruă kơđi čar hơmâo jao, tơhnal pơkă pơđĭ kyar mơ̆ng tơring čar rơwang bruă thun 2025-2030.