Khul khua nao lăng lu ring bruă ƀơi jơlan Độc Lập hăng kual ieo gah kah hăng hơdôm blah lŏn pioh sĭ mơdrô, bơwih bơwang, čơkă tuai; ƀut sang jưh tuai, resort; plơi prong tum pơƀut lu ring bruă hăng anih tuai čuă ngui yom. Mơ̆ng bruă pel ĕp brơi ƀuh, lu kơčăo bruă dŏ gun gah lŏn tơnah, čuk pơkra pơpha ala lŏn, tuh pơ alin, anun yơh jing kaih hĭ, mă yua lŏn aka ƀu klă đơi ôh.

Khua ping gah tơring čar lăi, bruă ngă kaih glăk bơbeč kơ bruă tuh pơ alin, hăng rơnoh pơkă đĭ kyar 2 mrô mơ̆ng tơring čar. Yua hnun, hơdôm gơnong bruă, tơring tơrang khŏm ječ ameč kah pơpha rim kơčăo bruă, pơsit rơđah phun tơhnal, gơgrong bruă đah mơ̆ng thâo pơsir brơi đut hlao; laih dong kiăng anom bruă tuh pơ alin kĭ pơkôl hrơi pơkra giong, pơƀut ngă bruă đah mơ̆ng huăi lui soh lŏn tơnah./.