Khua pơ ala kơ čơđai sang hră gưl dlông hơdor glăi ƀing Tơhan pơsăn drơi hăng hơdor tơngiă pơyơr pran jua kơ Wa
Thứ tư, 06:00, 20/12/2023
VOV/Siu H' Prăk pơblang
VOV/Siu H' Prăk pơblang
VOV4.Jarai – Amăng rơwang Jơnum khua pơ ala čơđai gưl dlông đơ đam dêh čar Việt Nam tal 11, mơguah lơ 19/12, khua pơ ala hơdôm grŭp khua pơ ala nao pơhmư̆ Jơnum hmâo nao tuĭ ñang hơdor glăi ƀơi gŏng kut Bắc Sơn hăng gum hrŏm ngă Lơphet hơdor tơngia pơyơr pran jua, mut čuă pơsat jep Khua mir sir Hồ Chí Minh.
Ƀrô hrơi jơnum prong mơ̆ng cơđai gưl dlông Việt Nam, ƀing khua pơ ala Jơnum Khul čơđai gưl dlông rơgơi mơbruă kơ khul čơđai gưl dlông amăng đơ đam dêh čar, mơnuih amăng khul, čơđai gưl dlông Việt Nam pơ̆ dêh čar tač rơngiao ƀuh ƀô̆ ƀơi tơdrŏn lak Ba Đình gru grua mut čuă pơsat jep Wa Hồ.
Hơdor tơngiă pơyơr pran jua kơ Wa hơdôm bôh tơhnal dưi ngă amăng bruă Khul hăng bruă čơđai gưl dlông lăi rơđah: “Hăng tơlơi ư-ang, gơgrong tô̆ tui bruă hơkrŭ ư-ang mơ̆ng djuai ania, rim mơnuih pơ ala hăng čơđai gưl dlông dêh čar ta khom hrưn đĭ klă lu hloh dong, hrăm tui, pơčeh phrâo, pơđĭ tui bôh thâo kơ pô hăng djru klă bruă pơdŏng hăng pơgang lŏn ia Việt Nam djop mơnuih dưm kơnar”./.
Viết bình luận