Pơkă hlâo kơčăo bruă pơđĭ kyar bơwih ƀong mơnuih mơnam thun 2023; Tơlơi ngă tui hơdră bruă kơnuk kơna thun 2022, pơkă ngăn drăp kơnuk kơna, kơčăo bruă tuh pơplai bruă hrom ngăn drăp kơnuk kơna, jơlan gah pơpha ngăn drăp kơnuk kơna thun 2023.

Ƀing khua pơ ala nao pơhmư̆ mông bơkơtuai

Amăng mông jơnum mơguah, ƀing khua pơ ala ba tơbiă hơdôm jơlan gah bŏng glăi hmao tlôn nua ia xăng ia jâu; pơsir hơdôm rơwang bruă tuh pơplai lup lăp; rơkâo pok prong hloh dong hơdră bruă samơ̆ pơkĕ hrom hăng bôh tơhnal mơng tuh pơplai bruă hrom kiăng bĕ ƀu bưng truh bruă bơwih ƀong prong.

Khua Ding jum ia jrao Đào Hồng Lan lăi pơblang ƀơi anăp Khua pơ ala mơnuih ƀôn sang

Amăng mông jơnum, ƀing khua pơ ala mơnuih ƀôn sang ăt rơkâo pel ĕp mơn kiăng brơi pơhrư̆i hrơi ngă tui bruă pơhrư̆i hră rơkâo mă yua jrao kiăng pơtlaih tañ hloh tơlơi kơƀah ia jrao, gơnam mă yua gah ia jrao, pơhlôm tơlơi pơkă pel ĕp, pơjrao tơlơi ruă kơ mơnuih ƀôn sang. Ƀing khua pơ ala pơsit; ƀu hmâo ia jrao pioh pơjrao lĕ hmâo tơlơi soh hăng mơnuih ƀôn sang prong biă./.