Lơ 4/12, Khua pơ ala mơnuih ƀôn sang dêh čar bơkơtuai ƀơi sang jơnum kơ hơdôm hră lăi pơthâo bruă mă rơwang thun 2021-2025 mơng Khua mir sir, Kơnuk kơna, Khua pơ ala mơnuih ƀôn sang hăng djop anom bruă mơng Ƀirô Khua pơ ala mơnuih ƀôn sang dêh čar, anom bruă jŭ yap dêh čar, sang phat kơđi hăng anom bruă pơsir kơđi tơlơi. Ƀing khua mua pơsit tong rơwang thun 2021-2025 găn rơgao lu tơlơi tơnap tap, tơlơi lông, samơ̆ lŏn ia ta ăt tŏ tui hơđong, pơđĭ kyar bơwih ƀong huă hơmâo tŏ tui hăng hơdôm tơlơi hrưn đĭ kơtang yôm phăn.

Ƀing khua mua čang rơmang amăng rơwang pơ anăp, Khua pơ ala mơnuih ƀôn sang hăng kơnuk kơna tŏ tui gum hrŏm kjăp phik, hơmâo tơlơi črâo ba rơđah rơđông ƀiă dong amăng pơđĭ kyar lŏn ia. Lu tơlơi rơkâo Khua pơ ala mơnuih ƀôn sang dêh čar tŏ tui tơlơi gơgrong “yak nao hlâo mơng tơhnal pơkă”, pơplih hmar ƀơi anăo tơlơi pơplih sit nik, lăng tơhnal pơkă lĕ “pơtrut kơtang amăng pơtrut kơtang”. Hlâo anun, tlam lơ 3/12, ƀơi Ƀirô mă bruă, Khua git gai pơ ala mơnuih ƀôn sang dêh čar ơi Trần Thanh Mẫn nao jơnum klah čun bruă mă tal XV mơng Grup Khua pơ ala mơnuih ƀôn sang ngă bruă ƀơi ƀon lan.