Tô̆ tui jơlan hơdră jơnum lok 4, mơguah lơ 26/10, ƀing khua pơ ala bơkơtuai ƀơi grŭp kơ Hră čih Tơlơi pơtrun pơsit kơ pơphô pơsit tơlơi dưi ruah mă mrô ô tô tui tơlơi juă nua hăng hră čih Tơlơi pơtrun pơsit pơphô sa dua hơdră pơkă, hơdră bruă pha ra pơđĭ kyar plơi prong Buôn Ma Thuột, tơring čar Daklak.

Khua Ding jum kơčăo bruă hăng tuh pơplai Nguyễn Chí Dũng pơđok hră čih Tơlơi pơtrun pơsit kơ pơphô sa dua hơdră pơkă, hơdră bruă pha ra pơđĭ kyar plơi prong Buôn Ma Thuột, tơring čar Daklak

Hơdôm tơlơi gum pơhiăp tŭ ư khom hmâo Tơlơi pơtrun pơsit kơ pơphô sa dua tơlơi pơkă, hơdră bruă pha ra pơđĭ kyar plơi prong Buôn Ma Thuột, yua anai lĕ plơi prong phun mơng kual Dăp Kơdư, tô nao hăng hơdôm bôh anom pơđĭ kyar mơng kual Dơnung dêh čar, Ngŏ Dơnung dêh čar hăng kual čơlah tlâo pơđĭ kyar mơng Lao, Việt Nam, Kur; hmâo pran lar hyu bruă bơwih ƀong, bôh thâo, hăng hmâo anih mă bruă yôm phăn gah bơwih ƀong mơnuih mơnam, pơgang lŏn ia, rơnuk rơnua plơi pla kual Dăp Kơdư hăng đơ đam dêh čar. Khua pơ ala Lê Ngọc Hải, grŭp khua pơ ala kơ tơring čar Daklak lăi rơđah, ră anai Buôn Ma Thuột ăt dô̆ kơƀah mơn hăng tơdu lu mơta hloh lĕ anih anom mă yua, yua anun hră čih Tơlơi pơtrun pơsit khom pok prong hơdră bruă pha ra, pơplih pha ra kiăng pơhư̆č prăk tuh pơplai kơ kual anai./.