Ƀing čơđai sang hră hơđăp dêh čar Lao tom hrăm laih ƀơi Việt Nam lăi hrŏm Sang hră Giăng mah T78 lăi pha, hơdor pioh na nao hăng lăng yôm bruă ngă giăng mah Lào-Việt Nam ƀu pơdơi ôh pơđĭ kyar wơ̆t anŏ kjăp hăng dơlăm amăng djop bruă, djru nao rai tơdruă. Khua pơ ala mơnuih ƀôn sang dêh čar Lao bơni kơ anom bruă khua pơ ala mơnuih ƀôn sang dêh čar Việt Nam, hơmâo djru ba kơ bruă pơbŭ tui bruă ngă giăng mah Lao-Việt Nam.

Khua pơ ala mơnuih ƀôn sang Việt Nam, Vương Đình Huệ lăi lĕ, Sang hră Giăng mah T78 jing anih pơtruh nao rai, pơbŭ đĭ tơlơi khăp gum pơgôp giăng mah Lao-Việt Nam dưi kjăp tong ten, hơđong kjăp. Khua git gai pơ ala mơnuih ƀôn sang lăi pơthâo rơđah, anai lĕ sang hră pioh kơ čơđai sang hră dêh čar tač rơngiao blung a dưi akŏ pơdong ƀơi Việt Nam, ăt jing sang hră pơtô hrăm čem rông ba čơđai sang hră dêh čar Lao lu hloh mơ̆ng hlâo truh ră anai.