Thun 2023, anom bruă pel ĕp kơđi mơnuih ƀôn sang hơmâo lu tơlơi gir run, ngă tui lu hơdră mă bruă kiăng djơ̆ tơhnal jao, tơgŭ kơđi phrâo 98.369 tơlơi soh sat, đĭ tui rơbêh 13% pơkă hăng thun hlâo. Anom bruă pel ĕp kơđi mơnuih ƀôn sang hơmâo pơtô lăi tong ten, pok pơhai ngă tui bruă jao djơ̆ hră pơtrun mơ̆ng ping gah, mơ̆ng sang bruă pơ ala mơnuih ƀôn sang dêh čar pơdjơ̆ nao gah tơlơi phiăn hăng bruă mă pel ĕp kơđi mơnuih ƀôn sang.

Pơ anăp anai, Khua pơ ala mơnuih ƀôn sang dêh čar Vương Đình Huệ rơkâo, anom bruă pel ĕp kơđi mơnuih ƀôn sang dêh čar khom pơblih hơdră mă bruă, dăp glăi anom bruă, mơnuih apăn bruă mă kiăng hơbôt hloh, mă bruă tŭ yua; pơtrut pơblih yua mrô hăng ba yua boh thâo ia rơgơi tơlơi pơhing, dăp djop bruă mă, kơtưn ngă gêh găl amăng bruă mă, pok pơhai ngă tui bruă ngă hrŏm jar kmar amăng bruă pơkơdong glăi tơlơi soh sat; ngă klă tơlơi glăm ba jing anom bruă pel ĕp kơđi ƀơi dêh čar djru pơsir tơlơi soh sat hình sự....