Ƀơi mông mă bruă, Khua pơ ala mơnuih ƀôn sang dêh čar, Vương Đình Huệ lăng yôm boh tơhnal mơ̆ tơring čar anai dưi ngă amăng djop bruă mă pơđĭ kyar bơwih ƀong huă mơnuih mơnam, pơhrŏ ƀun rin, pơđĭ kyar plơi pla, đing nao kơ mơnuih ƀôn sang jing anŏ anăp či ngă bruă; akŏ pơdong ping gah, bruă mă mơ̆ng khul pơ ala mơnuih ƀôn sang yơh anŏ bơngač.

Tŭ ư hăng anăp pơđĭ kyar truh thun 2023 laih rơgao hăng lăng nao pơ anăp dơ̆ng truh thun 2025, hơdôm tơhnal pơkă, bruă mă laih anun hơdră pơsir phun mơ̆ ping gah tơring čar hơmâo pơtong laih thun 2024, Khua pơ ala mơnuih ƀôn sang dêh čar,Vương Đình Huệ pơčrâo ba tơring čar Bà Rịa Vũng Tàu hơdôm tơlơi hơmâo pơkă hlâo ƀơi tơring čar, pơsit brơi mơ̆ng thun 2021-2030, lăng nao pơ anăp adih truh thun 2050 hăng hơdôm tơhnal pơkă rơđah rơđong hloh mơ̆ng thun 2025-2030, pơtum nao 4 mơta bruă kah hăng tơmeh phun bơwih ƀong hơmâo: Bruă tuh tia pơkra ming, man pơkra tơdrun kompăn hăng logistics, bruă tuai čuă ngui hăng man pơdong plơi prong rơgơi, bơwih bơwăng sĭ mơdrô.