Hrơi anai (24/11), Khua pơ ala mơnuih ƀôn sang dêh čar amra pơsit tŭ yap mă yua tơlơi phiăn dăng kông pơplih pơkra glăi hăng pơčrông sai ƀơi sang jơnum kơ črăn tơlơi phiăn jơlan glông. Yang hrơi tlam, Khua pơ ala mơnuih ƀôn sang dêh čar pơsit tŭ yap mă yua tơlơi phiăn wai lăng ring bruă ling tơhan hăng puih kơđong tơhan, tơdơi anun amra pơčrông sai ƀơi sang jơnum kơ tơlơi phiăn wai lăng rơnuk rơnua jơlan glông.

Tlam lơ 23/11, pơčrông sai ƀơi sang jơnum kơ sa, dua boh tơhnal dŏ pơmĭn phara pơkŏn mơng tơlơi phiăn hơdôm khul grup čan prăk (čih pơkra glăi), lu khua mua brơi thâo anai lĕ tơlơi phiăn tơnap tap biă mă, amuñ bơdjơ̆ nao djop mơta, laih dong ngă hơđong bruă prăk kak lŏn ia, pơhlôm brơi anih anom brơi čan prăk, bơdjơ̆ nao tơlơi bơwih ƀong huă-mơnuih mơnam. Črăn tơlơi phiăn anai aka ƀu ba tơbiă hơdôm tơlơi pơkă kiăng pơsir hĭ djop kơ bruă brơi čan prăk mă kmlai lu; hơdôm hơdră ră anai amra ƀu dưi pơgăn bruă ngă soh yua mơng lu mơnuih ngă, ngă glêh tơnap amăng hơdôm sang bruă prăk.