Anai lĕ Rơwang bruă tơlơi phiăn ngă pơhưč tơlơi đing nao phara mơ̆ng tơlơi phiăn čih pơkra, lơm hơdôm hrơi rơgao, tơlơi ƀing ngă soh blơi sĭ mơnuih pơphun ngă tơnap, hmâo jơlan gah lu tui, hăng tơhnal, tơlơi leč jai hrơi hơgom, hmâo jai hrơi jai lu kơđi tơlơi blơi sĭ mơnuih ƀơi dêh čar ta mơ̆ pô hmâo arăng blơi sĭ anun lĕ ƀing đah rơkơi.
Hơdôm thun jê̆ hăng anai, hơnong ñu rim thun dêh čar ta thâo ƀuh năng ai ñu 100 mơta kơđi tơlơi blơi sĭ mơnuih, hăng bruă blơi sĭ anun kah hăng “bruă rơnang, prăk blan lu”, pơphun brơi mơnuih gơñu sĭ đuăi dŏp nao pơ̆ dêh čar arăng pioh pơgô̆ ƀing gơ̆ mă bruă ƀu djơ̆ phiăn pơkă pơ̆ dêh čar arăng, kiăng glăi pơ̆ dêh čar khom tla sa mrô prăk la prong biă. Ƀudah kah hăng mă tŭ arăng ƀu đing nao amăng bruă pơdô̆ rơkơi bơnai hăng mơnuih dêh čar arăng, brơi mơnuih gơñu sĭ čơkă mă ngă ană rông, ƀudah hyu čuă ngui, čuă mơnuih amăng sang anô̆... pioh sĭ mơnuih kơ dêh čar arăng, pơgô̆ mă bruă, pơgô̆ ngă đi čơ, sĭ kian pruăi./.
Viết bình luận