Sa amăng hơdôm tơlơi pơhing phrâo dưi hmâo lu mơnuih đing nao ră anai lĕ tơlơi taih amang amăng sang hră. Lăi pơthâo nao rai hăng Khua Ding jum pơtô pơhrăm kơ tơlơi anai, khua pơ ala Nguyễn Thị Xuân brơi thâo: hơnong ñu rim thun hrăm đơ đam dêh čar hmâo rơbêh kơ 1.500 mơta tơlơi taih amang amăng sang hră hăng gah rơngiao kơ sang hră; lơm 5.200 čô čơđai hmâo 1 čô čơđai pơtaih nao rai...

Khua pơ ala mơnuih ƀôn sang Nguyễn Thị Xuân rơkâo Gong gai dêh čar khom đing nao hloh dong tơlơi anai. Khua Ding jum pơtô pơhrăm ơi Nguyễn Kim Sơn lăi rơđah, bruă yôm phăn pơjing phun akha pioh pơsir tơlơi anai lĕ pok pơhai klă Jơlan hơdră pơtô pơhrăm thun 2018 hăng tơhnal pơkă pơđĭ kyar ană mơnuih, pơđĭ tui kơnuih ană mơnuih Việt Nam. Khom kơtưn thâo pơsir hơdôm tơlơi phrâo hmâo hăng drơi pô čơđai. Khom kơtưn pơhrăm bôh thâo pơsir hơdôm tơlơi hmâo hăng ƀing čơđai sang hră. Pơ̆ anăp anai amra hmâo dong sa tơlơi lăi pơthâo kơ pran jua amăng sang hră kơ čơđai sang hră./.