Ƀơi mông bưp, ơi Vương Đình Huệ, Khua git gai pơ ala mơnuih ƀôn sang dêh čar ta lăi, Việt Nam lăng yôm, đing nao biă mă hăng hok mơak ƀuh boh tơhnal tŭ yua hiam klă mơ̆ dêh čar Bulgaria dưi ngă amăng rơnuk pơtrut pơđĭ kyar bơwih ƀong huă mơnuih mơnam thun blan rơgao, djru hrŏm ngă kjăp tui hăng pơđĭ kơnuih dêh čar Bulgaria amăng jar kmar.

Dua bơnah tŭ ư tañ pơphun jơnum tal 24 Jơnum min pơlir hơbit kơnuk kơna Việt Nam-Bulgaria amăng thun 2023 pioh sem glăi,jŭ yap, tŭ ư hơdôm hơdră ngă, pơtrut gum hrŏm bơwih ƀong huă, sĭ mơdrô tuh pơ alin mơ̆ng dua bơnah. Lăi nao hơdôm tơlơi amăng kual laih anun ƀơi jar kmar, dua čô khua tŭ ư kiăng kơtưn hloh ngă hrŏm kjăp hăng gum hrŏm dong yua tơdruă amăng mông jơnum lu dêh čar hăng amăng kual, boh nik ñu ƀơi sang gum hơbit djop dêh čar, ASEM, ASEAN-EU.