Tŭ mă bruă jao mơ̆ng Khua dêh čar lăi pơdah Hră lăi pơthâo, Khua Ding jum prăk kak Hồ Đức Phớc brơi thâo, Gong gai dêh čar ba tơbiă hơdôm bruă pơsir hơdră bruă pha ra rơgao kơ tơlơi dưi mơ̆ng Gong gai dêh čar kiăng pơtlaih abih hơdôm tơlơi tơnap, tơlơi gun, ngă gal brơi dong kơ hơdôm tơring čar, ƀôn prong pơtrut tañ rơnoh ngă tui, pơsir ngăn rơnoh hơdôm jơlan hơdră pơkă mơ̆ng lŏn ia pơ̆ anăp anai yua kơ ră anai bôh tơhnal pok pơhai ngă tui hơdôm jơlan hơdră pơkă mơ̆ng lŏn ia akă pơhlôm, rơnoh pơsir ngăn rơnoh gah hơdră bruă dêh čar hmâo jao dô̆ kaih.

Gong gai dêh čar lăi lĕ, hơdôm jơlan pơsir anai tơdah dưi pel ĕp amra pơtlaih hơdôm tơlơi tơnap, tơlơi gun, ngă gal brơi kơ tơring čar, ƀôn prong pơtrut tañ rơnoh ngă tui, pơsir ngăn drăp hơdôm jơlan hơdră pơkă mơ̆ng dêh čar, biă ñu pơsir ngăn rơnoh bruă mă./.