Pơhiăp amăng mông pok phun tơña, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ lăi rơđah: Hluai tui bruă lăng tui anai, Khua pơ ala mơnuih ƀôn sang dêh čar ta amra thâo tơlơi, rơnoh hăng bôh tơhnal ngă tui hơdôm tơlơi pơtrun pơsit mơ̆ng Khua pơ ala mơnuih ƀôn sang dêh čar ta, bruă ngă tui hơdôm tơlơi “ƀuăn”, pơkôl mơ̆ng Gong gai dêh čar, ƀing Khua Ding jum, Khua Gơnong bruă.

Bruă lăng glăi, đing nao lăng tui hơdôm tơlơi tơdơi lăng tui, krăp lăng truh đut tơhnal hơdôm tơlơi hmâo lăng tui laih, tơña kiăng djru Gong gai, ƀing Khua Ding jum, Khua gơnong bruă hmâo tơhnal lăi glăi hăng Khua pơ ala mơnuih ƀôn sang dêh čar ta, mơnuih pơ ala hăng mơnuih ƀôn sang kơ hơdôm bruă pô hmâo ngă, lăng yôm pran jua gơgrong, pơsir lăp djơ̆, tơl phun akha hơdôm tơlơi Khua pơ ala mơnuih ƀôn sang dêh čar ta ba tơbiă. Khua git gai wai lăng pơ ala mơnuih ƀôn sang dêh čar ta rơkâo ƀing khua pơ ala ngă tui pran jua pơdŏng pơjing, gơgrong, ngă rơđah đut tơhnal bruă ngă tui tơlơi rơkâo đĭ hơdôm tơlơi hmâo lăng tui, tơña./.