Amăng mơguah, khua mua pơphun jơnum prap lui, hmư̆ hơdôm boh tơhnal: Ding kơna Jơnum min apăn bruă, Khua čih pioh-Khua anom bruă Ƀirô Khua pơ ala mơnuih ƀôn sang Bùi Văn Cường lăi pơthâo, pơplih jơlan hơdră jơnum. Tơdơi anun, ƀing khua mua pơčrông sai hăng pơsit tŭ yap jơlan hơdră. Laih dong, Ding kơna jơnum min apăn bruă Khua pơ ala mơnuih ƀôn sang dêh čar, khua khul pơphun bruă gah jơnum min apăn bruă Khua pơ ala mơnuih ƀôn sang Nguyễn Thị Thanh pơđok hră lăi pơthâo mơng jơnum min apăn bruă kơ bruă brơi pơdơi bruă hăng Khua pơ ala mơnuih ƀôn sang dêh čar tal XV hăng Nguyễn Văn Thạnh khua pơ ala mơnuih ƀôn sang tơring čar An Giang.

Hơmâo 4 boh tơhnal ječ hơmâo Khua pơ ala mơnuih ƀôn sang sem lăng amăng jơnum anai hơmâo: Črăn tơlơi phiăn lŏn mơnai (Čih pơkra glăi), črăn tơlơi phiăn hơdôm anom brơi čan prăk (čih pơkra), črăn tơlơi pơtrun kơ sa, dua hơdră bruă phun kiăng pơsir hĭ tơnap tap, gun găn, pơtrut tañ bruă ngă tui hơdôm jơlan hơdră tui hơnong pơkă dêh čar. Hăng rơnuč thun lĕ pơhrua akŏ bruă tuh pơ alin gap ƀrô mơng ngăn drăp gơnong glông rơwang thun 2021-2025 mă mơng rơnoh djă pioh hrŏm bơkơnar hăng rơnoh đĭ pơhrui ngăn drăp gơnong glông thun 2022 brơi hơdôm bruă, akŏ bruă tuh pơ alin man pơdong hăng pơhrua akŏ bruă tuh pơ alin man pơdong gap ƀrô mơng anom bruă apui lơtrik Việt Nam mơng rơnoh djă pioh mơng akŏ bruă tuh pơ alin man pơdong gap brô.