Khua git gai pơ ala mơnuih ƀôn sang dêh čar ơi Trần Thanh Mẫn pơsit tong Việt Nam lêng kơ lăng yôm hăng čang rơmang ngă dơlăm tui tơlơi rô nao rai yôm phăn, ngă hrŏm djop mơta hăng Cuba; laih dong lăng yôm hơdôm boh than dưi ngă mơ̆ Ping gah, kơnuk kơna hăng mơnuih ƀôn sang Cuba dưi ngă tơdơi kơ Jơnum tal VIII. Gah ƀing gơñu, Khua git gai pơ ala mơnuih ƀôn sang dêh čar Cuba pơpŭ bơni prap khăp pap, tơlơi gum djru mơng mơnuih ƀôn sang Việt Nam, sit biă ñu hơdôm bruă gum pơgôp, djru ba yua Jơnum min djop djuai ania mơnuih mơnam hăng Khul ia jrao kyâo bơrơkal mriah Việt Nam pơphun.

Ñu lăi pơtong anai lĕ tơlơi pơƀuh brơi pran gum pơgôp yôm kơplah wah dua boh dêh čar, laih dong pơsit tong tơlơi gum djru anai amra mă yua kiăng pơsir hĭ hơdôm bruă ječ, djru brơi mơnuih ƀôn sang. Dua bơnah tŭ ư kơtưn ngă hrŏm amăng Ƀirô Khua pơ ala mơnuih ƀôn sang dêh čar, tŏ tui hruă kjăp tơlơi rô nao rai giang mah yôm Việt Nam-Cuba, lăng anai lĕ tơlơi yôm amăng tơlơi rô nao rai jar kmar.