Tŏ tui hrơi mông jơnum lok 4, lơ 31/10, Khua pơ ala mơnuih ƀon sang dêh čar pioh ha hrơi pơčrông sai kơ hră lăi pơthâo boh than krăo lăng “Bruă ngă tui hơdră bruă, tơlơi phiăn amăng pơkrem, pơgăn yua khưi khai rơwang thun 2016-2021” amăng bruă dêh čar. Ƀing khua mua rơkâo pơsir hĭ hơdôm tơlơi gun găn, tơnap tap amăng wai lăng bruă mă, kiăng hơdôm tơlơi pơkă dưi ngă tui klă, pơkrem hăng tŭ yua. Mơng krăo lăng brơi ƀuh, bruă wai lăng, mă yua ngăn drăp kơnuk kơna, hơdôm rơnoh prăk pơkŏn hơmâo pơplih phrâo, pơhlôm kjăp phik, pơkrem hăng tŭ yua hloh. Samơ̆, hră lăi pơthâo ăt brơi ƀuh rơđah: Bruă jŭ yap, sem lăng mă yua ngăn drăp Kơnuk kơna aka ƀu tong ten ôh.

Khua pơ ala mơnuih ƀon sang dêh čar pioh ha hrơi lơ 31/10 kiăng krăo lăng kjăp bruă ngă tui hơdră bruă, tơlơi phiăn amăng pơkrem, pơgăn yua khưi khai rơwang thun 2016-2021

Hơdôm rơbâo akŏ bruă dŏ kaih, hơdôm rơnâo akŏ bruă ngă huăč prăk kak, yua khưi khai ngă kaih pơđĭ kyar lŏn ia. Ƀing khua mua rơkâo anăm kaih ngă pơgiong hơdôm ring bruă phun amăng dêh čar kiăng pơđĭ kyar bơwih ƀong huă mơnuih mơnam, sit biă ñu hơdôm ring bruă amăng plơi pla kual ataih, asuek, kual mơnuih djuai ania ƀiă dŏ hơdip. Amăng hơdôm hơdră bruă hơmâo lăi nao, ƀing khua mua lăi pơtong bruă tuh pơ alin lăp djơ̆ hăng tañ hloh amra huăi ngă tơnap kah pha prăk tuh pơ alin. Sit biă ñu, tơlơi pơkă pơkrem, pơgăn yua khưi khai kiăng ƀing apăn bruă đing nao, sit biă ñu lĕ ƀing khua mua mă bruă ƀơi hơdôm anih anom, ƀon lan.