Tui hrơi mông pơkă, amăng hrơi anai (8/11) hăng hrơi pơgi (9/11), Khua pơ ala mơnuih ƀon sang pơčrông sai ƀơi sang jơnum kơ hơdôm hră lăi pơthâo bruă mă mơng Khua sang phat kơđi dêh čar, Anom bruă pơsir kơđi tơlơi; bruă pơgang hưp ƀong kông ngă hăng ngă soh; bruă pơsir kơđi hăng bruă pơgang, pơgăn hưp ƀong kông ngăn thun 2022.

Hơdôm bruă ngă soh bơdjơ̆ kông ti pơčruih ngăn Việt Á; anom bruă sang anih jưh, ding jum pơtom hiăp, grup FLC…. hăng hơdôm bruă ngă soh bơdjơ̆ nao hưp ƀong kông hăng ƀing mơnuih apăn akŏ amăng thun blan laih rơgao hơmâo pơsir hĭ khut khăt hăng tơpă sit, anai lĕ kiăng pơhlôm djơ̆ tơlơi soh djơ̆ mơnuih. Samơ̆ ƀing mơnuih bơdjơ̆ nao hưp ƀong kông ngă hăng ruah ƀing apăn akŏ aka ƀu ƀuh aset tui mơ̆ glăi lu tui, truh pơ 33%. Hlâo kơ mông pơčrông sai kơ boh tơhnal anai, ƀing khua mua rơkâo sem lăng tong ten dong hăng hơmâo hơdră lăp djơ̆ hloh kiăng pơgăn bruă hưp ƀong kông ngă hăng ruah pơmut mơnuih apăn bruă ča čot.