Hlâo kơ pơđut mông jơnum, Khua pơ ala mơnuih ƀôn sang dêh čar ta pel ĕp 4 Tơlơi pơtrun pơsit yôm phăn, amăng anun hmâo Tơlơi pơtrun pơsit kơ tơña hăng lăi glăi tơlơi tơña hăng Tơlơi pơtrun pơsit tal jơnum lok 6, Khua pơ ala mơnuih ƀôn sang dêh čar tal 15.

Amăng čơtlăm tom brơi, bơkơtuai ƀơi sang rông kơ rơwang bruă Tơlơi phiăn măi mok pơgang lŏn ia, rơnuk rơnua plơi pla hăng pơsur bruă măi mok, ƀing khua pơ ala rơkâo: pơdŏng hăng pơđĭ kyar bruă măi mok pơgang lŏn ia, rơnuk rơnua plơi pla hăng pơsur bruă măi mok tui jơlan gah: gơgrong pô, pran pô, mă yua, phrâo rơnuk anai, pơlir nao rai kơjăp hăng măi mok mă yua kơ tơlơi hơdip mơda, jing jơlan phun mơ̆ng măi mok lŏn ia. Ăt amăng čơtlăm tom brơi mơn, Khua pơ ala mơnuih ƀôn sang dêh čar pel ĕp laih Tơlơi pơtrun pơsit pơphô hlâo sa dua hơdră pơkă, hơdră bruă djru pha ra kơ tuh pơplai pơdŏng ring bruă jơlan nao rai hăng Tơlơi phiăn khul mơnuih gum hrŏm pơgang rơnuk rơnua plơi pla, hơđong ƀơi ƀôn lan./.