Bôh yôm tơña biă ñu jum dar hơdôm jơlan gah pioh pơsir hơdôm mơnuih, khul grŭp hmâo bruă pôr tơlơi pơhing hyu pơčeh ča, ƀu hmâo sit amăng plăng pơhing điện tử, hyu mă, blơi sĭ ƀu djơ̆ phiăn tơlơi pơhing rim mơnuih, hyu plư pleč amăng măi mok.

Khua Ding jum Nguyễn Mạnh Hùng brơi thâo: Hlâo adih kơnong kơ hmâo hơdră lăi pơhư̆č amăng ƀirô čih tơlơi pơhing, tui tơlơi pơkă, hơdôm ƀirô čih tơlơi pơhing khom pel ĕp glăi, pơhlôm lăi pơhư̆č djơ̆ tơlơi phiăn. Dua thun rơgao hmâo hơdră phrâo lĕ lăi pơhư̆č ad network (plăng lăi pơhư̆č pơdah tui tlôn pô dŏng tŏng krah), anun hơdôm bôh ƀirô čih tơlơi pơhing kah hăng lui hĭ laih črăn gơgrong. Ding jum hmâo pel ĕp, hyu hơduah tơña, hơdôm ƀirô pôr tơlơi pơhing thâo laih bruă anai. Ăt amăng mơguah lơ 4/11 mơn, Khua Ding jum man pơdŏng Nguyễn Thanh Nghị hăng ƀing ding kơna Gong gai dêh čar hmâo lăi glăi rơđah hăng djop djel hơdôm tơlơi gum pơhiăp mơng ƀing khua pơ ala mơng Khua pơ ala mơnuih ƀôn sang kơ bruă man pơdŏng./.