Amăng mông bưp, Khua git gai wai lăng pơ ala mơnuih ƀôn sang dêh čar ta lăi lĕ, tơlơi rô nao rai giăng mah mơng hlâo kơplah wah Việt Nam hăng Nepal jing phun than yôm phăn pioh dua bôh dêh čar pok prong nao hơdôm bruă gum hrom pơkon, amăng anun hmâo bruă kơtưn gum hrom amăng abih bang glông bruă Ping gah, Gong gai dêh čar, pơtom hiăp khua pơ ala mơnuih ƀôn sang, pơtom hiăp mơnuih ƀôn sang.

Dua gơñu čang rơmang pơ̆ anăp anai dua bôh dêh čar amra pơtrut kơtang gum hrom amăng lu bruă dô̆ hmâo lu tơhnal gal. Dua gơñu ăt tŭ ư mơn pơtrut hloh dong gum hrom bruă khua pơ ala mơnuih ƀôn sang dua bơnah, lăi pơthâo nao rai, tŭ mă tơlơi pơhing kơ bruă mă mơng khua pơ ala mơnuih ƀôn sang mơng rim bôh dêh čar. Ƀrô djơ̆ tal anai, Khua git gai wai lăng pơ ala mơnuih ƀôn sang jăk iâu Khua git gai wai lăng pơ ala mơnuih ƀôn sang Nepal tañ rai čuă sit nik dêh čar Việt Nam./.