Khua pơtrun bruă Quân khu 5 hơ-ưč hmưi Ling tơhan ia rơsĭ ƀôn prong Đà Nẵng ngă giong bruă jao dô̆ gak tết
Thứ bảy, 06:00, 17/02/2024
VOV/Siu H' Prăk pơblang
VOV/Siu H' Prăk pơblang
VOV4.Jarai – Mơguah lơ 16/2, Trung tướng Thái Đại Ngọc, Khua pơtrun bruă Quân khu 5 hmâo nao čuă, hơ-ưč hmưi mơnuih mă bruă, tơhan ƀat tô ƀôn prong Đà Nẵng hmâo ngă giong klă laih bruă jao dô̆ gak amăng tal Tết Giáp Thìn.
Dong mơ̆ng lơ 15/1 truh lơ 16/2/2024, ƀat tô ĐNa-91222.TS gah Khul tơhan ia rơsĭ ƀôn prong Đà Nẵng nao mă bruă dô̆ gak Tết; djru rah hơdôm bôh ƀat tô hyu mă akan hơdang dô̆ tĭt ƀơi ia rơsĭ, laih anun gum hrŏm hăng khul tơhan pơphun hyu tir, pơgang hơđong ƀơi kual ia rơsĭ.
Gưl Ping gah, Khua git gai ƀat tô hmâo lăng ba pơphun brơi čơkă Tết ƀơi ƀat tô mơ-ak mơ-ai, pơhlôm klă, tâ̆o yâo. Trung tướng Thái Đại Ngọc bơni pran jua gir run hơkrŭ pơsir djop tơlơi tơnap amăng ia rơsĭ tơglăk angin kơtang hmâo ngă giong prong bruă jao ƀơi ia rơsĭ tal Tết; gum hrŏm kơjăp hăng hơdôm bôh ƀat tô Kual mrô 3 Ling tơhan ia rơsĭ pơkiăo đuăi hơdôm bôh ƀat tô dêh čar tač rơngiao mă akan hơdang ngă soh tơlơi phiăn pơkă kual ia rơsĭ Việt Nam./.
Viết bình luận